Home
   
eMaiL
   
Frameset_menu
   
Frameset_head
   
hAmsChtEr
   
mam
   
grueess
   
love-hate
 
   
 
 
grueess


Mini Grüess gönd a…


d Meret, vo dere ich würklech säge chan, sie isch mini fründin (au wän ich dir wäg em europapark han müese absäge *snief*, tuet mer ez no laid, aber bi däm sauwätter häts mi ned agmacht). Käneglärnt hämer üs im gymi, womer i dä gliche klass gsi sind. Was ich toll a dir finde: Du bisch immer ehrlich, saisch, was du dänksch, bisch immer für aim do. Ha di mega gärn!!

 

d Manu: mit dir chan ich über viles rede, du losisch zue, saisch dini mainig und akzeptiersch mini. Du bisch en voll zwäge mänsch, ha di mega gärn! Mit dir in usgang goh isch aifach s gröscht, es isch immer geil mit dir! (Sogar i de schuel... *g*)


d Chrigi, wo i de ferie niä ziit hät für mich, defür mit mir go zugfahre goht und immer a mich dänkt, wän d clique öpis undernimmt. Au wän du mich mängisch nervsch, treffe absaisch und dich meh für fuessball und hockey interessiersch als für mich und üsi clique: Ha di gärn!


de Dominik, min geile koleg. Ich glaube, niemert kännt mich so guet wie du - und redt no mit mir! :-)) Mini eltere wärded sich au froge, was mir drei stund z bequatsche händ?! Es gieng wohl no vil länger so, wän ich ned so gschluchet gsi wär. Ha di gärn!

d Penny, mir käned üs ersch sit em auguscht 2003, womer zäme id super 1ha-klass cho sind. I waiss no guet, woni dänkt ha, du gohsch sicher ids gymi - und wo du mir es paar wuche schpöter gsait häsch, du hegsch dozmol s gliiche dänkt! :-)) Du bisch mer echt as härz gwachse, du ghörsch aifach i mis läbe. Ha di gärn!

d Jasmin, mini sis. Mer schtriited scho rächt hüüfig, obwohl ich ned vil dihai bin. Aber au bi üs gits zwüsched ine es fridlechs wort.

d Saskia, mit dir bin ich 2 ½ johr id oberstufe gange. Am afang hani dich glaub ned emol wohrgnoh, bisch aifach e uh stilli und schüüchi gsi, aber irgendwän isch s iis au broche gsi. Sit du im welsche bisch, hämer üs au ned würklech vil gseh, aber es isch doch schön chli z schnore mit dir, ha di gärn!


d Michelle, du bisch 5 min älter als ich, im gliche chrankehuus gebore - und doch käne mer üs ersch sit em summer 2002. Wän du ziit häsch und mir mit üser grill-clique öpis undernähmed, bisch amel voll guet druf. Und ned vergässe - üsi fete nägscht johr! ;-)


d Sarah H., het nie glaubt, dass miers irgendwie doch no schaffed, z kommuniziere. Dini mails freued mich immer wieder, und waisch: Gestern ist Geschichte. Morgen ist ein Geheimnis. Heute ist ein Geschenk. Es ist National Friendship Week. Zeig deinen Freunden, wie viel sie dir bedeuten. Ha di gärn, au wän di vil z wenig gseh und ghöre!

d Pepe, bisch im semi z chrüzlinge, ich a de HMS frauefeld. Do bliibt ned vil ziit, gedanke usztusche. Trotzdem schaffe mers zwüsched ine mol...


de John, du machsch mir so süessi kompliment! Bisch sicher, das du mich mainsch? Ich glaub, du känsch mich immer nonig, wel ich aigentlech nur "zimlech" lieb bin... :-P

d Lisa, ich han dir aimol din obig versaut, wird aber nüme passiere! Was isch de typ bloss für en idiot, dass er dich ned will? Du bisch intelligent, hübsch - und ersch no blond! :-)

d Semayel, du gohsch au mit mir id schuel. Wän ich dich ned het, wür ich mängisch scho no blöd id röhre luege, wän ich i de schuel wieder emol ned ufpasse... *g* Jo, jedefals wär d schuel au ned so luschtig ohni dich...



Kostenlose Homepage von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!