Home
   
eMaiL
   
Frameset_menu
   
Frameset_head
   
hAmsChtEr
   
mam
   
grueess
   
love-hate
 
   
 
 
lideschaft


Mini gröscht lideschaft


Es git öpis i mim läbe, das hät de name läbeselexier verdient: d musig. Für mich isch musig ned nur es par tön, sondern melodie, feeling, abtauche. Ich bruch jede tag musig. Sie beiflusst aifach mini gedanke, stüürt mis handle. Musig isch mini droge.

.*°*.oO°*°kai musig, kai träum°*°Oo.*°*.

Für mich isch d musig ales, ich mues immer musig ha, mues sie fühle, es isch e sucht... tja, defüür lohni amel anders hänge. Vo de musig los z cho isch für mich so unmöglich wiä ohni (alk) trinke z überläbe.

  

¡musig isch läbe!

Es isch das feeling, wo du bechunsch, wän du DINI musig losisch, dän vergissisch alles. Es isch e anderi wält. Du muesch nur din verstand chli abschalte. träum und fühl, dän isch alles guet.

Learn To Fly - Foo Fighters

 

En mega grosse traum han ich mir vor 4½ johr erfüllt, dert han ich afoh kornett schpile. Nur zums säge, am afang isch es de horror gsi!! Ich han ned ain ton usebroocht, wel ich churz vorhär no altblockflöte gschpelt han und drum s blose han müese umgwöhne (mann, tönt das pervers... *gg*)

Noch öpä vier mönät isch es dän plötzlich gange, wel mer mini mam gsait hät:"du muesch kai chärze usblose, sondern es mues i dine lippe chützele...!"

Vo dert a isch es ufwärts gange, ich han mini gruppe bald ufgholt und afoh, 20 min pro tag z üebe. Noch aim johr simmer dän no s zwaite gsi, noch eme witere 1/2 johr bini elai gsi und ez schpil ich di 2. stimm vom chline bläch im mv wängi...

Im verein isch d stimmig zimlich unterschidlech. Mängisch gönd mer d lüüt rächt uf dä keks, aber dän säg ich mir aifach, du gohsch wäg dä lieder, ned wäg de lüüt! Aigentlech simer jo e harmonie, aber do gits lieder, diä sind aifach dä hammer!! Do isch zum bischpil ais, wo ich immer no voll geil finde:

 

Ross Roy - Jacob De Haan

 

 De Jacob de Haan hät da konzert im uftrag vo de "St. Peters Wind Symphony" us Brisbane (Auschtralie) komponiert. "Ross Roy" isch de name vonere monumentale villa us em schpote 19. johrhundert, wos "St. Peters Lutheran College" im johr 1945 gründet worde isch. D villa isch immer s symbol für die schuel blibe. De Jacob de Haan betrachtet s monument "Ross Roy" i dere komposition als e metapher für d johr, womer i de schuel verbringt, wo jo d persönlechkait vome mänsch zum grosse teil bildet wird. drum hät s eröffnigsthema, woner s "Ross-Roy-Thema" nännt, am afang au sonen monumentale charakter.

Es git sälbscht i de blosmusig schtuck, wo aim vo de ärde lösed, wo aim vo de sorge vom alltag befraiet...

Min musig-style isch rock! Ich lose au metal und ska. Voll geil sind Linkin Park, Foo Fighters, d Anastacia, Die Toten Hosen, Nightwish und Uriah Heep. Das änderet aber immer chli, je nochdäm, i weller stimmig ich grad bin, los ich halt au mol punk oder blues. 

Zehn Kleine Jägermeister - Die Toten Hosen 

Was d musig agoht, bin ich e ganz e schlimmi, ich han über 200 CDs und demit es problem mit em CD-gschtell... Doch gott sai dank gits extra tünni CD-hüle, die nämed nur halb sovil platz wäg... :-)

Wäns um d musig goht, kän ich nix. Ich goh zwor (no) ned über liche, aber es söll niemert versueche, mich vo de musig z tränne.

Ich bin au mol innere band gsi, die isch us em schuelunterricht entschtande. Aber irgendwie han ichs z blöd gfunde, wel mis instrument ned harmoniert hät mit de uswahl vo de schtuck. Dän bini ustgschtige. Zu däm ziitpunkt han ichs ned guet gha mit mim damalige musiglehrer. Ez - find ich de Paul Camilleri ned mol so schlächt.

Glaubed jo ned, das es aifach wär, sin style z finde. Ich han scho rächt lang bruucht, und han so zimlech di ganz spannbraiti vo de stilrichtige usgnutzt. agfange häts bi volksmusig, stefanie hertl und so züügs. Dert bin ich glaub im iischueligsalter gsi. Dän isch es wiiter zum pop. So mit 12/13 isch mini techno-phase cho. Dur en kolleg bin ich den in trance grutscht, wo sech au bis öpe vor 1½johr wacker ghalte hät. Doh bini bim rock und blues aglangt, de trance hät mi aber ned ganz verloh und bliibt in form vo dance bi mir. Übrigens: Mini erscht CD isch vo de tina turner gsi...

Es mag hirnverruckt klinge, aber es stimmt: über d musig isch es logisch, weli johresziit di geilscht isch - de summmer! wäge werum? d dami geil ziit vo de openairs!!!!!!!!!!!!!!!!!


Openair St. Gallen   Openair Tufertschwil   Rock am See   Gurtenfestival Bern


 



Gratis Homepage von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!